Friday , 26 April 2019

گوادر کی زمینیں مالکانہ حقوق کی بجائے لیز پر دینے کا فیصلہ

کوئٹہ: وزیراعلیٰ بلوچستان میر جام کمال نے کہا ہے کہ بلوچستان حکومت نے گوادر میں نجی کمپنیوں کو زمنیوں کے مالکانہ حقوق کی بجائے لیز پر دینے کافیصلہ کیا ہے۔

وزیراعلیٰ بلوچستان میر جام کمال جو گزشتہ دنوں وزیراعظم عمران خان کے ہمراہ چین کے دورے سے وطن واپس پہنچے کا میڈیا سے بات چیت کرتے ہوئے کہنا تھا کہ چین بلوچستان کے مخلتف شعبوں میں سرمایہ کاری کا خواہش مند ہے۔

وزیراعلیٰ جام کمال نے اس بات کا بھی اعلان کیا کہ کہ گوادر کی زمنیں اور صوبے کے قدرتی وسائل بلوچستان کے اثاثے ہیں، ان کا تحفظ حکومت کی اولین ترجیحات ہیں، گوادر میں نجی کمپنیوں کو زمینیں مالکانہ حقوق کی بجائے لیز پر دی جائیں گی۔

وزیراعلیٰ بلوچستان کا کہنا تھا کی سابقہ حکمرانوں نے سی پیک منصوبے کو متنازع بنا کر نہ صرف شکوک وشہات پیدا کئے بلکہ تمام منصوبوں کو صرف ایک صوبے تک محدود رکھا۔ بجلی اور دیگر ترقیاتی منصوبوں کی تقسیم کے وقت سابقہ صوبائی حکومتوں کی خاموشی صوبے کے لئے نقصان دہ رہی ہیں۔

جام کمال کا کہنا تھا کہ حالیہ دورہ سے چین اور بلوچستان کے درمیان تجارتی تعلقات کے نئے دور کا آغاز ہوا ہے، صوبہ جلد مالی بحران سے نکل جائے گا۔

 

This post has been Liked 0 time(s) & Disliked 0 time(s)

Leave a Reply

Your email address will not be published. Required fields are marked *