حاصل خان بزنجو خود کو جمہوریت کا چیمپئن کہتے ہیں، عبدالقدوس بزنجو

اسلام آباد: وزیر اعلیٰ بلوچستان عبدالقدوس بزنجو نے کہا ہے کہ بلوچستان کے عوام جاگ چکے ہیں، حقیقت میں خدمت کرنے والے لوگوں کو سامنے لائے ہیں، بلوچستان کو اس کا حق دلانے کے لیے لڑیں گے۔

ان خیالات کا اظہار انہوں نے میڈیا سے گفتگو کرتے ہوئے کیا، حاصل خان بزنجو پر تنقید کرتے ہوئے عبدالقدوس بزنجو نے کہا کہ سینیٹ میں کل جو بات کی گئی اس پر شرم آتی ہے، حاصل خان بزنجو خود کو جمہوریت کا چیمپئن کہتے ہیں، کسی کو برا بھلا کہنا ہماری عادت نہیں۔

وزیر اعلیٰ بلوچستان نے کہا کہ امید ہے چیئرمین سینیٹ صادق سنجرانی بلوچستان کے مسائل پر توجہ دیں گے، بلوچستان کے عوام محرومی کا شکار تھے، بلوچستان کو اس کا حق دلانے کے لیے لڑیں گے۔

انہوں نے کہا کہ 18ویں ترمیم میں بہت سی چیزیں ہیں جو وفاق سے لینی ہیں، اگر 18 ویں ترمیم پر عمل کیا جائے تو صوبوں کو بہت سی چیزیں مل سکتی ہیں، این ایف سی ایوارڈ 2015 میں ہونا تھا جو اب تک نہیں ہوسکا۔

عبدالقدوس بزنجو نے کہا کہ 2008 میں بی این پی نے پورے بلوچستان میں بائیکاٹ کیا تھا، بائیکاٹ کے باوجود سینیٹر منتخب ہوگئے، اس کا مطلب ہارس ٹریڈنگ ہوئی تھی، ہم پختونخوا میپ کی لیڈر شپ کو بڑا سمجھتے تھے۔

انہوں نے کہا کہ کوشش ہوگی الیکشن میں ہر جگہ سے حصہ لیں، جب سے تحریک شروع کی الزامات لگائے جارہے ہیں، اسمبلی نہ توڑنے کے موقف پر قائم رہیں گے، اللہ کے کرم سے پوزیشن میں آئے اور چیئرمین شپ لینے میں کامیاب ہوئے۔

Hasil Khan Bizenjo himself calls the champion of democracy, Abdul Quds Bizenjo

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے