انھوں نے مجھے نکال کر پاکستان کی ترقی کا پہیہ روک دیا: نواز شریف

اٹک: سابق وزیر اعظم میاں نواز شریف نے کہا ہے کہ مخالفین نے انھیں نکال کر پاکستان کی ترقی کا پہیہ روک دیا۔

ان خیالات کا اظہار انھوں نے اٹک میں جلسہ عام سے خطاب کرتے ہوئے کیا. ان کا کہنا تھا کہ نوازشریف کو 14 ماہ کے لئے اٹک کے قلعے میں بند کیا گیا تھا، اسے ہائی جیکر قرار دے کر جہاز کی سیٹ کے ساتھ باندھ دیا گیا.

نواز شریف کا کہنا تھا کہ میں نوجوانوں کے مستقبل کے لئے دن رات کام کررہا تھا، عوام کی خدمت کررہا تھا، لیکن اچانک ایک دن فارغ کردیا جاتا ہے، یہ نہیں دیکھا جاتا کہ 4 سال میں نوازشریف نے کیا کام کئے.

انھوں نے کہا کہ یہ کہتے تھے کہ ہم نیا کے پی کے بنائیں گے، اس سے پہلے اٹک آکر دیکھ لو، کتنا فرق ہے، تم لوگوں نے کے پی کےعوام کو دھوکا دیا، ان سے ناانصافی کی.

انھوں‌ نے مخالفین کو آڑے ہاتھ لیتے ہوئے کہا کہ یہ سمجھتے تھے، نوازشریف کو ن لیگ کی صدارت سے نکل دیں، تو یہ ختم ہوجائیں گا، نوازشریف نے بیٹے سے تنخواہ نہیں لی، اسے جرم بنا کر سزا دی گئی.

نواز شریف نے کہا کہ 2013 میں روزانہ دہشت گردی ہوتی تھی، جسے ن لیگ نے ختم کیا، اب کہاں گم ہوگئی لوڈشیڈنگ، اٹک پنجاب کا بہترین ضلع بن رہا ہے.

انھوں نے جلسے کے شرکا کو مخاطب کرتے ہوئے کہا کہ ن لیگ کوووٹ دینا ہے، دل سے عہد کریں، آئندہ ووٹ کو بے عزت و بے توقیر نہیں ہونے دیں گے، ووٹ کی عزت خودبھی کریں گےاور دوسروں کو بھی کرنا ہوگی.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے