کراچی کے حلقہ این اے 243 گلشن اقبال میں عمران خان اور خالد مقبول آمنے سامنے

کراچی: کراچی کے علاقے این اے 243 گلشن اقبال سے چیئرمین تحریک انصاف عمران خان اور ایم کیو ایم پاکستان کے رہنما خالد مقبول صدیقی میں مقابلہ ہوگا۔

این اے 243 گلشن اقبال سے عمران خان اور خالد مقبول صدیقی میں مقابلہ ہوگا جب کہ دونوں رہنمائوں نے کاغذات نامزدگی جمع کرادیے ہیں۔ پاک سرزمین پارٹی کے مزمل قریشی بھی اسی حلقے سے امیدوار ہیں۔ این اے 243 کا حلقہ پی آئی بی کالونی اور گلشن اقبال کے مختلف بلاکس کے ساتھ ساتھ ملحقہ علاقے پر محیط ہے۔

سیاسی مبصرین کے مطابق گلشن اقبال کی اس نشست پر دلچسپ مقابلے کا امکان ہے۔ ماضی میں نشست ایم کیو ایم نے جیتی تھی جبکہ 2002 میں اس نشست پر ایم ایم اے نے کامیابی حاصل کی تھی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے