غلط معلومات پھیلانے والے 7 کروڑ سے زائد ٹوئٹر اکاؤنٹس معطل، رپورٹ

سماجی رابطے کی ویب سائٹ ٹوئٹر نے غلط معلومات پھیلانے والے 7 کروڑ سے زائد اکاؤنٹس معطل کردیے۔

ایک حالیہ رپورٹ میں انکشاف کیا گیا کہ ٹوئٹر کمپنی نے 70 ملین (7 کروڑ) سے زائد اکاؤنٹس کو غلط معلومات پھیلانے کی بنا پر  رواں برس مئی اور جون سے معطل کیا ہوا ہے، جس کا سلسلہ اب بھی جاری ہے۔

رپورٹ کے مطابق حالیہ چند ماہ کے دوران ایک دن میں 10 لاکھ سے زائد ٹوئٹر اکاؤنٹس بند کیے گئے ہیں۔

رپورٹ کے مطابق کمپنی کی جانب سے کوشش کی جارہی ہے کہ کوئی بھی صارف ٹوئٹر پر ایسا مواد پوسٹ نہ کرے، جس سے کسی کے جذبات مجروح ہوں یا ان کی معلومات کا غلط استعمال کیا جائے۔

تاہم ٹوئٹر کی جانب سے فی الحال اس رپورٹ پر کوئی رد عمل ظاہر نہیں کیا گیا۔ تمام سوشل میڈیا ایپس پر صارفین کے ڈیٹا کی سیکورٹی کو سخت کردیا گیا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے