کراچی:11 سالہ بچی سے زیادتی کا الزام، گرفتار13سالہ لڑکے کو جسمانی ریمانڈ پر پولیس کے حوالے کردیا گیا ،افسوسناک انکشافات

کراچی(نیوز ڈیسک)11 سالہ بچی سے زیادتی کرنے کے الزام میں گرفتار13سالہ لڑکے کو جسمانی ریمانڈ پر پولیس کے حوالے کردیا گیا

ملزم کو تھانہ سرجانی ٹاؤن میں پولیس نے گرفتار کرکے عدالت میں پیش کیا تھا۔گزشتہ روز تھانہ سرجانی پولیس نے 11سالہ بچی سے زیادتی کے الزام میں گرفتار ملزم رمضان کا جسمانی ریمانڈ حاصل کرنے کے لیے جوڈیشل مجسٹریٹ غربی کے روبرو پیش کیا تھا ،پولیس نے عدالت کو بتایا کہ ملزم بچوں کے ساتھ کھیل رہا تھا اور اس نے 11 سالہ بچی کو کھیلنے کا جھانسہ دیگر جھاڑیوں میں لے جاکر اسے زیادتی کا نشانہ بنایا۔

ملزم نے ابتدائی تحقیقات میں اپنے جرم کا اعتراف کیا ہے اور میڈیکل رپورٹ نے بھی زیادتی کی تصدیق کی ہے، پولیس نے ملزم سے تحقیقات کیلیے 14 روز کے جسمانی ریمانڈ کی استدعا کی تھی، فاضل عدالت نے ملزم کو دو روز کے جسمانی ریماند پر پولیس کے حوالے کردیا ہے ملزم کے خلاف تھانہ سرجانی میں مقدمہ درج ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے