سندھ اسمبلی میں نومنتخب اراکین نے حلف اٹھالیا

کراچی : سندھ اسمبلی کے نو منتخب اراکین نے حلف اٹھا لیا، ارکان سے اسپیکر آغا سراج درانی نے حلف لیا۔

تفصیلات کے مطابق کراچی میں سندھ اسمبلی کا اجلاس اسپیکرآغا سراج درانی کی زیرصدارت ہوا جس میں نومنتخب اراکین نے حلف اٹھایا۔

سندھ اسمبلی میں بعض ارکان نے سندھی اور کچھ نے انگریزی زبان میں حلف اٹھایا۔ نومنتخب اراکین کی جانب سے اسمبلی رجسٹرپرحروف تہجی کے تحت دستخط کیے جا رہے ہیں۔

سندھ اسمبلی کے افتتاحی اجلاس کے موقع پرسیکیورٹی کے سخت انتظامات کیے گئے۔

دوسری جانب کورٹ روڈ پر ٹریفک کی روانی متاثر ہونے پرشدید ٹریفک جام ہوا جس کے بعد کئی ارکان کو پیدل سندھ اسمبلی آنا پڑا جس میں حلیم عادل شیخ اور سعید غنی شامل ہیں۔

خیال رہے کہ اس سے قبل پاکستان تحریک انصاف کے نومنتخب رکن فردوس شمیم نقوی کا سندھ اسمبلی پہنچے

پی ٹی آئی رہنما کا میڈیا سے گفتگو کرتے ہوئے کہنا تھا کہ نیا پاکستان بنانے میں کلیدی کردار ادا کرنا ہے اور پیپلزپارٹی سے مل کر تبدیلی کے لیے کام کریں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے