پاکستان ایران میں ہونے والے دہشت گردانہ حملے کی مذمت کرتا ہے، دفتر خارجہ

اسلام آباد : پاکستانی دفتر خارجہ کی جانب سے ایرانی شہر احواز میں فوجی پریڈ کے دوران ہونے والے دہشت گردانہ حملے کی مذمت کرتے ہوئے حملے میں جاں بحق افراد کے خاندانوں سے دلی تعزیت کا اظہار کیا ہے۔

پاکستانی دفتر خارجہ کے ترجمان پاکستان دہشت گردی کی ہر شکل میں مذمت کرتا ہے۔

مقامی خبر رساں ادارے کا کہنا ہے کہ ایران کے شہر احواز میں آج صبح سیکیورٹی فورسز کی پریڈ کے دوران نامعلوم افراد نے حملہ کیا تھا، فائرنگ کے نتیجے میں خاتون اور بچے سمیت 20 افراد زخمی 11 جاں بحق ہوگئے۔

ایران کی سرکاری نیوز ایجنسی کا کہنا ہے کہ فوجی پریڈ ہونے والے دہشت گردانہ حملے کے نتیجے میں سپاہ پاسداران کے 8 اہلکاروں سمیت 11 افراد کے جاں بحق ہوئے ہیں۔

ایرانی سیکیورٹی حکام کا کہنا ہے کہ حملہ آوروں پریڈ میں موجود عام شہریوں پر فائرنگ کی تھی اور اعلیٰ سیکیورٹی افسران کوگولیوں کا نشانہ بنانا چاہتے تھے۔

ایرانی میڈیا کے مطابق سنہ 1980 میں عراقی آمر صدام حسین کی جانب سے ایران پرمسلط کی گئی جنگ کے 38 برس مکمل ہونے کے حوالے سے احواز سمیت ملک کے مختلف شہروں میں پریڈ جاری ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے