اتوار , 20 جنوری 2019

پریراکے ایک اوور میں نیشام نے 5 چھکوں سمیت ریکارڈ 34 رنز بنا ڈالے

ماؤنٹ ماؤنگونئی: نیوزی لینڈ سری لنکا پہلا ون ڈے،نیشام نے پریرا کے ایک اوور میں5 چھکوں سمیت ریکارڈ 34 رنز بنا ڈالے

جیمی نیشام نے سری لنکا سے پہلے ون ڈے میں تھشارا پریرا کے ایک ہی اوور میں 5 چھکوں سمیت ریکارڈ 34 رنز سمیٹ لیے یہ نیوزی لینڈ کی اننگز کا 49 واں اوور تھا۔

جس میں نیشام نے پہلے لگاتار 4 بالز پر چھکے رسید کیے، پھر نوبال پر 2 رنز بنانے کے بعد فری ہٹ پر چھکا جڑا اور آخری بال پر سنگل لیا، ان کے اس لاٹھی چارج نے تماشائیوں کو بھی خوب محظوظ کیا، یہ ون ڈے کرکٹ میں کسی ایک اوور میں بولر کی تیسری بڑی پٹائی ہے۔

سابق جنوبی افریقی بیٹسمین ہرشل گبز نے نیدرلینڈز کے خلاف اوور میں 6 چھکے جڑے تھے، پریرا خود جنوبی افریقہ کے خلاف ایک اوور میں 35 رنز بنا چکے،ابراہم ڈی ویلیئرز نے بھی نیشام کے برابر 34 رنز ویسٹ انڈیز کیخلاف ایک اوور میں بنائے تھے، شاہد آفریدی کو ایک اوور میں 32 رنز اسکور کرنے کا اعزاز حاصل ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے