جمعرات , 21 مارچ 2019

ناکامی کے باوجود زیرو ٹاپ ٹین میں شامل

ممبئی: 
شاہ رخ خان کی فلم’’زیرو‘‘باکس آفس پر ناکامی کے باوجود دنیا بھر میں سب سے زیادہ آمدنی والی 10 فلموں میں شامل ہوگئی۔

’جب ہیری میٹ سیجل‘‘ کی ناکامی کے بعد بالی ووڈ کنگ شاہ رخ خان کو فلم’‘زیرو‘‘ سے بہت زیادہ امیدیں وابستہ تھیں۔ کنگ خان نے اپنی فلم کی بھرپور انداز میں تشہیر بھی کی لیکن فلم تجزیہ نگاروں اورشائقین کے معیار پر پوری نہ اتر سکی اور ریلیز کے ایک ہفتے بعد بھی 100 کروڑ کلب میں داخل نہ ہوسکی اور ناکام ہوگئی

۔بالی ووڈ کنگ شاہ رخ خان کی فلم’’زیرو‘‘باکس آفس پر ناکامی کے باوجود دنیا بھر میں سب سے زیادہ آمدنی والی 10 فلموں میں شامل ہوگئی۔

فلم’’سنجو‘‘دنیا بھر سے 5 سو کروڑ 78 لاکھ روپے کماکر 2018 کی سب سے زیادہ آمدنی والی فلم بن گئی ہے۔ دوسرے نمبر پر جس فلم نے دنیا بھر میں سب سےزیادہ کمائی کی وہ دپیکا پڈوکون کی فلم’’پدماوت‘‘ہے جس نے مجموعی طور پر 5 سو کروڑ 46 لاکھ کمائے۔ رنویر سنگھ کی فلم’’سمبا‘‘ 3 سو کروڑ 10لاکھ کے ساتھ تیسرے نمبر پررہی۔

چوتھے نمبر پر سلمان خان کی ’’ریس3‘‘ تین سوکروڑ 6 لاکھ، پانچویں نمبر پر اکشے کمار اوررجنی کانت کی ’’ٹوپوائنٹ زیرو‘‘2 سوکروڑ 69 لاکھ، چھٹے نمبر پر فلم’’باغی2‘‘دو سوکروڑ 49 لاکھ، ساتویں نمبر پر ’’ٹھگ آف ہندوستان‘‘دو سو کروڑ 47 لاکھ، آٹھویں نمبر پر ’’بدھائی ہو‘‘دو سو کروڑ 15 لاکھ، نویں نمبر پر ’’راضی‘‘100 کروڑ 92 لاکھ اوردسویں نمبر پر شاہ رخ خان کی فلم’’زیرو‘‘نے دنیا بھر سے مجموعی طور پر سو کروڑ 78 لاکھ کی کمائی کی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے