اتوار , 29 مارچ 2020

پاکستان اسٹاک ایکسچینج: 8 ماہ بعد 100 انڈیکس 39 ہزار پوائنٹس کی سطح عبور کر گیا

کراچی: پاکستان اسٹاک ایکسچینج میں 500 پوائنٹس کا اضافہ دیکھا جارہا ہے، 100 انڈیکس 8 ماہ بعد 39 ہزار پوائنٹس کی سطح عبور کر گیا۔

تفصیلات کے مطابق ہفتے کے آخری کاروباری روز پاکستان اسٹاک مارکیٹ میں تیزی دیکھی جارہی ہے۔ دن کے آغاز پر 100 انڈیکس میں 300 سے زائد پوائنٹس کا اضافہ ہوا اور کچھ دیر بعد مزید 200 پوائنٹس کا اضافہ ہوا۔

500 سے زائد پوائنٹس کے اضافے کے بعد 100 انڈیکس 8 ماہ بعد 39 ہزار پوائنٹس کی سطح عبور کر گیا۔ اس وقت انڈیکس 39 ہزار 227 پوائنٹس پر ٹریڈ کر رہا ہے۔

گزشتہ روز بھی اسٹاک مارکیٹ میں تیزی کا رجحان دیکھا گیا تھا، 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کر رہا ہے۔

رواں ہفتے منگل کے روز اسٹاک مارکیٹ میں مندی کا رجحان دیکھا گیا تھا۔ منگل کے روز انڈیکس میں 38 ہزار پوائنٹس کی نفسیاتی حد برقرار نہ رہ سکی اور انڈیکس 374 پوائنٹس کمی کے بعد 37 ہزار 839 پوائنٹس پر بند ہوا تھا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے